上帝的旨意
今仔日佇看西街教會聽貞文牧師講舊約聖經的課程，伊講著約瑟原諒伊遐的將伊賣去埃及的阿兄的一段經文：｢今毋免因為賣我到遮來憂悶，來家己怨恨；這是上帝差我事先恁來，因為欲保全性命。｣貞文牧師佇這段話的頂懸下的標題是：｢復合的關鍵：認識上帝的旨意｣。我了解約瑟的原諒是雅各家族復合的關鍵，只是我無了解約瑟的兄弟進前所做的罪孽就是欲用來成就上帝的旨意這款觀念，這就像e咧講咱人性命中的悲劇嘛攏是上帝的安排？我感覺按呢的上帝是有大權能的上帝，較像古早彼位高高在上的上帝，較無｢道成肉體｣的意涵。
檢視次數： 809
該討論的回覆
-
固定鏈接由胡長松於回覆
-
Hui-tsing 姊平安：
我過去嘛常常會想這類的問題。佇遮，我講的定著毋是神學上的好的答案，較親像我個人的體會，我感覺，「良善的上帝」佮「照咱善的律所定義的良善的上帝」是二項觀念，咱愛足細膩分別。上帝的良善是啥物？敢是約瑟的財富抑是健康？這項，咱看是悲劇，對上帝來講咧？約瑟若無去埃及，迦南飢荒，亞伯拉罕的子孫仔可能愛總死，閣免講四百年了後摩西領以色列人出埃及的時，以色列人生湠到超過240萬人。這敢是為著欲成全上帝予亞伯拉罕的約：上帝講，欲予亞伯拉罕的子孫仔親像天星海沙hiah濟。
關係這類的問題，佇《基督教神學》，作者真坦白講一段話：「當我們致力於處理邪惡問題時，不應該把期望定得太高。這是一個非常艱難的問題，或許是有神論中最難的一個問題。（《基督教神學》（卷一）p.626）」雖然伊客氣按呢講，不過這本冊第20章猶是有參考的價值，因為前後有30頁，我一時無法度摘要，妳有興趣會使先去讀看覓咧。嘛因為這是難題，我的講法的確會有欠點，請多多包涵、指正。
胡長松
-
固定鏈接由王貞文於回覆
-
這句話，若毋是約瑟自己講出來，若這是別人要求他接受的觀點，就真無應該。因為只有受害者自己會當「曉悟」，會當決心beh安呢來了解過去所發生的不義與傷害。
所以，這毋是用來強逼佇困境中的人「相信上帝」的一句話。這是一位得到實權、會當主宰傷害他的人的命運的人，所講的話。得到大權力的約瑟，才有氣力安呢去解讀過去所發生的事。
若約瑟無佇受出賣、受陷害、坐佇監獄的時感受過上帝的同在，他一定無法度講出此款的話。所以，此句話是他的信仰告白，毋是不變的教條。因為，此句話若是出對無願意悔改的不義者的嘴，逼彼些猶受苦、委屈的人與in和解，安呢上帝就會互人誤用。
只有體會過道成肉體的上帝，是與人作夥受苦的上帝，才有法度告白祂是歷史與命運的主宰。
所以約瑟的故事是用文學的形式來寫，無用律法冊的方式來寫。這是一個過程，著看整體。
-
-
Tsia Hui-Tsing兄姊平安：
在馬丁路德的神學裡，強調了上帝會隱蔽自己的觀念。意思是說有時候上帝不在某個苦難的現場﹝比如約瑟被兄弟所欺負﹞，這是因為上帝要成就某種事。另外馬丁路德還提到上帝有時會做相反的事，為的是成就正面的事﹝比如說設立魔鬼看起來是反面的，但是卻是為了展開人類的救贖﹞。上帝有時候顯得好像不公義，其實那個目的暫時時被隱藏起來，只是還沒顯露而已。馬丁路德說：「上帝就是上帝。」祂不一定會被我們了解、猜透，因為祂就是上帝，人很渺小，無法猜透。因此，有一些事情我們猜不透，也不必猜測，否則只是徒然傷神。這大抵是指著舊約的上帝來說的。
另外馬丁路德提到新約的上帝﹝耶穌﹞的重要性，他說假若要思索真正的上帝，除了通過耶穌以外，我們就一無所知。我們真正想要認識上帝，一定要通過耶穌來看，這個耶穌裡的上帝才是更為重要真實的上帝，也就是你所說的道肉身的上帝，也就是廣施博愛的上帝。
換句話說，當我們要認識上帝時，就必須統合上面兩個觀點，成為一種穩健的觀點，如此，我們才不會被上帝的某些作為嚇倒，也才不至於誤解上帝的作為。
這是讀馬丁路德神學的一點心得，提供參考。
宋澤萊
-
-
感謝三位先進的回應，其實貞文牧師佇課程中嘛有用台灣的二二八事件，用受難者佮加害者兩種角度做例將這個觀念解說了真清楚，只是佇彼當時我心內一直浮現貞文牧師佇<破碎靈魂的復活>這篇描寫德國現代女詩人卡蘿拉 寞思巴哈文章內底的一句話，寞思巴哈因為自身心靈深深的暗影來揣求解困的路，佇最後伊tu2著一位女牧師，這位女牧師共伊講：｢一個孩子強暴並不是神所願意的事，在這樣傷天害理的事裡沒有神隱藏的旨意好尋找。｣｢這樣傷天害理的事裡沒有神隱藏的旨意好尋找｣咱敢會當共換做｢佇約瑟兄弟所做的罪孽內底無神的旨意通好tshiau揣｣。
我毋知影我會安呢想敢是因為我猶毋是一個認真信仰上帝的人，對基督教神學的認識嘛無深，毋過我真正是去予｢道成肉體｣的彼位上帝深深感動。
