束缚

[王立信]

束縛

.

蠕動一腸肚子地壞水

流堵濁黃的溝渠覆蓋

表象且朦朧

環五里林之霧而繞

.

遂佇立霧外清白的地理

深知上天是將埋葬不義的

旋即後悔地仁慈

然呼喊的意義是空洞掙脫的捆索

求救吧 自己已半埋了的死人

.

聖哲保羅呀！

何如誇耀於軟弱

又甘之如飴地因刺的剛強

苦啊 這取死之身

竟無完膚地以上臘蘋果來報答

梏桎或轉回

[王立信]

1992年信主洗禮夠旦18冬，感謝主一路行過風風雨雨靠主剛強，總是唯消極兮人生觀行映積極兮人生觀即個過程，有冬陣嗎愈和上帝相偃，親像雅各兮性情。毋知佇時則學會全然信靠歸回伊終極兮安息呢阮嗎誠期待，畢竟信主耶穌是信靠兮歷程毋是修煉兮歷程啊。

[宋澤萊]

立信兄平安：
談一談你18年來信教的經過過和經驗，讓大家有向你學習的機會，18年算是很資深了。
用散文寫大概會比較清楚。
宋澤萊

[王立信]

佇行審判的路頂聽候耶和華的救恩-王立信

伊不祇是理性的上帝，不祇是感情的上帝；更加不祇是知識的上帝，伊是閣真閣活獨一真的上帝，伊互見肖誠做祝福，結疤的傷害化做一篇一篇的見證，主的奇妙互我體驗主是葡萄樹，咱攏是樹枝的幸福，阮一家佇主的內面安息若鹿渴慕溪水。孳韻佮穎淳惦佇咱教會靈命得到真好的照顅。
　早前兩個查某囝分別寄二個內外嬤遐在過日；阮夫妻都咧搬一齣社會悲劇。我的原生家庭是充滿怨懟佮暴力的，夾佇父母中間我自細漢就希望寧願是孤兒，因此人格養成多有缺陷。10冬外前家己創業，美鳳辭掉公家機關12年的頭路幫贊我，無久煞失敗，失焦的過程，冤家、通靈、算命、喝鹽酸……叫天天抹應。有一擺冤家互相傷害，美鳳喉頸互我勒到強欲無氣，佇無意識中伊開微聲……耶穌～耶穌～穿一件白衫……來救我。連鞭我想到一間以馬內利教會（內弟曾經拜託丁崑城牧師來帶領阮去教會有幾擺），就開車載美鳳去；彼日抵好祈禱會，眾會友圍一圓圈迫切祈禱，美鳳漸漸精神起來，隔天連鞭帶阮去玉井加利利祈禱山一個月久。如今回想起來上帝在做工，當時為何無先送醫院，如果彼日教會沒祈禱會，延誤送醫的後果是家破、人亡、坐監、子散……。我深知耶穌是活活的上帝，伊無棄捨咱每一個細子，伊的恩典夠額，靠主一定得勝，同時也深知撒但佇地上掌權，專門做毀壞、殺害的工作，求主捆綁伊。一路行來，雖然搖泏，靠主保守，阮一家佇教會內面，領受對耶穌來的疼，黑陰的日子已經遠離，感謝主。
　對阮來講，教會是石磐、高臺佮籐牌，願咱教會勇壯，靠主閣卡勇壯，互多多像我此款心靈喪鄉，全身罪惡卑微的人來找耶穌，攏有永遠活的仰望，阿們！
　　　致於我及我一家必定事奉耶和華，因為佇行審判的路頂聽候耶和華救恩的人是我，是你，閣卡按怎嘛欲哭賴上帝，敢不是咧。


宋老師平安：
鋪上這篇多年前的見證.而今想來直是不堪回首，信主前是篤信佛教的.淨土宗的唸佛號和禪宗風動旗動之類的偈語或頓悟之類亦嚮往之.曾動過出家的念頭.，總之就是現實生活得不到滿足.轉而追求形上的超脫以躲避強烈的自卑感，其實自卑感就是驕傲的隱形呢。
人的盡頭是神的起頭.信主的契機是已是基督徒的弟弟看瞄頭不對勁，幫助我透過教會介入.因而成為得救蒙恩的罪人.即時免除一件社會悲劇。回首來時路神的恩典数算不盡，有機會我會娓娓道來.
以報答神之鴻恩。
在這裡要感謝宋老師的關心.以及您鋪上有關說方言的文章，因為最近更換新工作的前後心情極不平靜，剛好看了您的文章，因此又開始倚靠神又照您教的方法操練方言，又重新得力了。誰知道
我們的神又借著您的文章提醒著我要常常住在它裡面呢。

[宋澤萊]

立信兄平安：
你e見證予人真感動，領受耶穌e恩典真正呢大。
希望閣聽你更加濟e見證。
咱值板上交流e見證是有路用e，大家互相學習，
長短相補，無論是單純e信仰，或者是神秘e經驗，
攏值遮交流，最後可能會畫出一幅更加完美e上帝形象，
會凍予咱一生紀念。
感謝你第一擺分享你e恩典，感謝。
宋澤萊

[王立信]

上帝的奧秘

信心、映望、仁愛；是上帝交代耶穌送予伊創造的人類上貼心的禮物，自從始祖亞當犯罪了後，罪性就代代咧傳衍，罪的代價是死亡，但佇未死之前的過程是掙扎佮哀慘的苦痛，人的爭戰是自由意志的內面相對性的善及惡。“良善”的本質來自上帝，“惡”當然是撒旦欺騙兮詭計囉！
信心的真義就是搜找目標進前，先確立方向並且置任何款勢下跤攏無受外在抑內在的影響、映望是晟做所進行目標的進行式，是信心進一步的確立、是信心的延伸，映望是行動的本身。仁愛是目標的完成 是人類拯救的總根頭，是上帝的奧秘。
仁愛是信心佮映望的強化；那無仁愛、信心佮映望就變做無意義的幻覺。按呢講來信.望.愛也晟做三位一體抹當分割的真理囉。那麼耶穌也佗是真理的化身是唯一道路的出口、永活的生命，真理展現了上帝的神性是明明倘知影的，諸個確是非常要緊的。道路是已經指出方向 因此人必須單單信靠伊，這是實踐的再度確認，按呢生命就回歸到上帝創造的起初，上帝的本意、伊看是好伊講有就有、命立就立，一切兮榮耀佗歸佇榮耀伊家己的歡喜，因為上帝伊是創造者是生命兮本源，是自有永有是道的本體 。本體一切具足毫無欠缺。
耶穌是上帝施行拯救真實的樣貌，耶穌是神卻道晟肉體，替人死贏過死無，這種舉動體現上帝真正的愛，既然毫無欠缺，上帝伊所預定的計劃直到日子滿足總是依舊回到榮光伊本身的創造。那麼聖神就以更較奇妙的作為來執行上帝愛本身的命令，並且分別咱做聖。因為墮落的人性肉體的情欲若發動誠濟所在已經受到魔鬼負面的牽制了，致夠混濫了正佮邪的區別性，因此聖神的神跡奇事祇是顯明上帝掌權決心的點醒而已啦。咱知地上的世界是受空中掌權魔鬼暫時的轄制爾爾，所以三位一體的上帝才苦口婆心的喊喝，喪鄉的人緊近倚，謙卑、清心、悲慟的人有福氣……。爭戰啊！人性的軟弱 上帝設立教會就是愛咱結連佇團契的內面增加幫補兮喟力，耶穌是教會的頭，若由教會帶頭爭戰邪惡上介順當，因此教會若無合一上帝佗無得到榮耀，安呢撒旦就嗆聲，咱那無喟力如何爭戰，靈命若無興旺天國祇是夢想而已，上帝就晟做虛設的偶像，到彼時聽候上帝的憤怒若臨到 祇有將咱擲在地獄兮火爐內面燒掉了，倘驚啊。

宋老師平安：
感謝汝兮鼓勵，阮愈閣較拍拼.天國路頂袂稀微。
像今若日盈暗頓食飽佗行去阮里內一條滿了綠意
兮巷仔口.長約200公尺，佇遐行過來行過去嘴中
學著靈語兮熟練，心中誠滿足呢。

[胡長松]

立信兄的見證予人感動.......